नेपालगन्ज : बाँके प्रहरीले अवैध रुपमा भन्सार छली ल्याउँदै गरेको सामान बरामद गरेको छ।
नेपालगन्ज उपमहानगरपालिका १५ स्थित भारतबाट भन्सार छली चोरी पैठारी गरि ल्याइएका लत्ता कपडा, धाराको सामान लगायतका विभिन्न सामानहरु आइतबार बरामद गरिएको प्रहरीले जनाएको छ।
प्रहरीका अनुसार बरामद गरिएका सामानहरुको मुल्य १ लाख ३३ हजार ७ सय ६० रहेको छ। बरामद गरिएका सामानहरुलाई आवश्यक कारबाहीको लागि भन्सार पठाइएको बताइएको छ।
