प्रधानमन्त्री केपी शर्मा ओलीले कुनै एक व्यक्ति वा उसको खानदानलाई संस्था मानेर हिँड्ने प्रवृति सामन्ती सोच भएको बताउनुभयो ।
नेपाली कांग्रेसका पूर्वसभापति एवं पूर्वप्रधानमन्त्री गिरिजाप्रसाद कोइरालाको १५औँ स्मृति दिवसको अवसरमा कांग्रेस नेत्री सुजाता कोइरालाद्वारा लिखित ‘म र मेरो सानो बुवा’ (आत्मकथा) को आज लोकार्पण गर्दै उनले यस्तो टिप्पणी गर्नुभयाे ।
प्रधानमन्त्री ओलीले कुनै एकजना व्यक्ति वा उसको खानदानलाई संस्था मानेर हिँड्नु पछौटेपन सोच भएको उल्लेखगर्नुभयाे । “सबै नेपालीका पूर्खाले लडेर यो देश बनाएको हो, कुनै एकजना व्यक्तिले बनाएको होइन, कसैले नायकत्व दिएको होला फरक त्यत्ति मात्रै हो” उनले भने, “अबको युग त्यसमा फर्कन सक्दैन, त्यस्तो भ्रमका कोही नपर्दा हुन्छ।”
प्रधानमन्त्री ओलीले सबैका विचार फरक भए पनि देश बनाउने साझा गन्तव्य एउटै हुनुपर्नेमा जोड दिनुभयाे।
“देश र जनताको हितको सबैले इमान्दारीका साथ काम गर्नुपर्छ”, उनले भने।
