लागु औषधमुद्दामा फरार प्रतिवादीलाई बाँके प्रहरीले आज पक्राउ गरेको छ । जानकी गाउँपालिका–६ पिप्रहवाका २५ बर्षीय पटवारी लोधलाइ पक्राउ गरिएको प्रहरीले जनाएको छ ।
लोधलाई तीन वर्ष अघि जिल्ला अदालतले दोषी ठहर गर्दै ११ दिनको कैद फैसला सुनाएको थियो । ७५ साल माघ ९ गते दोषी ठहर भएका उनी फरार थिए । उनलाई घरबाटै पक्राउ गरिएको प्रहरीले जनाएको छ । पक्राउ परेका लोधलाई आज जिल्ला अदालत बाँकेमा बुझाइएको पनि प्रहरीले जनाएको छ ।
