बाँके प्रहरीले बन्द गराउँदै हिडेका ८ जनालाई पक्राउ गरेको छ । उनीहरुलाई बाँकेका विभिन्न स्थानबाट पक्राउ गरिएको डिएसपी मधुसुदन न्यौपानेले जानकारी दिनुभयो ।
प्रहरीले अखिल क्रान्तिकारीका केन्द्रीय सदस्य डिवि शाही, युवा संगठन नेपालका केन्द्रीय सदस्य प्रेरणा रोकाय, अखिल क्रान्तिकारीका बाँके अध्यक्ष डिल्ली क्षेत्री, जन पत्रकार संगठनका अध्यक्ष कमल अधिकारी, अखिल क्रान्तिकारीका नेपालगन्ज अध्यक्ष सागरसेन पौडेल, जिल्ला सदस्य कर्मबहादुर बोहरा, अम्मरराज एडी र शम्भु विश्वकर्मालाई पक्राउ गरेको प्रहरीले जनाएको छ ।
उनिहरुलाई केहिबेरमा छाड्ने प्रहरीको तयारी छ । देशघाती सम्झौता विरुद्ध आफुहरुको आन्दोलन जारी रहने शाहीले बताउनु भयो । उहाँले आफ्नो आन्दोलनमा राज्यले दमन गरेको भन्दै आक्रोश पोख्नु भयो ।
संसदबाट एमसिसी पारित भएको विरोधमा विभिन्न ८ दलले गरेको बन्दका कारण विद्यालय र यातायात सबैभन्दा बढी प्रभावित भएका थिए ।
