न्युजिल्यान्डका लरेल हबबार्ड ओलम्पिक प्रतियोगितामा पहिलोपटक छनौट हुने ट्रान्सजेन्डर व्यक्ति बनेकी छिन्।
४३ वर्षकी हबबार्डले यसअघि पुरुषको रुपमा ओलम्पिक लगायतका प्रतियोगितामा भाग लिएकी थिइन्।
हाल उनी न्युजिल्यान्डको तर्फबाट महिला राष्ट्रिय भारत्तोलन टोलीमा परेकी हुन्।
सन् २०१५ मा अन्तर्राष्ट्रिय ओलम्पिक कमिटिले ट्रान्सजेन्डर व्यक्तिलाई खेलमा सहभागी गराउने नियम बनेपछि हबबार्ड खेलका लागि योग्य ठहर भएकी हुन्।
पहिले पुरुष उनी महिलामा रुपान्तरण भएपछि टोकिओ ओलम्पिकमा यसवर्ष महिलाहरुसँग प्रतिस्पर्धा गर्नेछिन्।