भाई–बहिनीको पवित्र, स्नेह एवं अटुट बन्धनको प्रतिक रक्षाबंधनको महापर्वलाई लिएर नेपालगंजको मुटु मानिने त्रिभुवन चौक देखि त्रिवेणीमोड सम्म एवं शहर चोक चोकमा बजार पूर्ण रुपले सजिएको छ ।
बजारहरुमा राखीहरुको दोकान सडकको बीचमा वा सडकको किनारमा राखिएका छन् ।
साथसाथै मिष्ठान भन्डारहरुमा मिठाई, अंदरसा र फिनी को सुगन्धले शहर नै मनमोहक देखिएको छ । बजारमा बिहान देखि नैं राखिहरुको खरिद–बिक्रि शुरु भइरहेको छ ।
रक्षा बन्धन पर्व लाई मध्ये नजर गरी प्रहरी प्रशासनले ठाउँ–ठाउँमा चेकजाँचमा कडाई गरेको देखिन्छ । पर्व लाई मध्येनजर गरी चोर, लुटेराहरु माथि निगरानी बढाईएको देखिन्छ ।
त्रिभुवन चोकमा प्रहरीको तर्फबाट सुरक्षाकर्मीहरुलाई तैनाथ गरेको देखिन्छ । र, नागरिकहरुको सहजताको लागि त्रिभुवनचौक देखि त्रिवेणीमोड सम्म चार पाङग्रे र तीन पाङग्रे गाडीलाई निषेध गरिएको छ ।
त्रिभुवन चोकमा प्रहरीको तर्फबाट सुरक्षाकर्मीहरुलाई तैनाथ गरेको देखिन्छ । र, नागरिकहरुको सहजताको लागि त्रिभुवनचौक देखि त्रिवेणीमोड सम्म चार पाङग्रे र तीन पाङग्रे गाडीलाई निषेध गरिएको छ ।
किनकी त्यहाँ राखी र मिठाइको पसल थापिएका छन् ।
बच्चाहरुको लागि कार्टून राखिहरु
बजारमा हरेक वर्ष जस्तो यो वर्ष पनि बच्चहरु देखि ठूलो उमेरको लागि राखिहरु दर्जनौं वैरायटीमा उपलब्ध छन् ।
बच्चाहरुलाई लोभ्याउँनलाई उनीहरुलाई मन पर्ने कार्टून एवं मन पर्ने सुपर हिरोहरुको राखिहरु बजारमा उपलब्ध देखिन्छ ।
दोकानमा बच्चाहरुका लागि छोटा भीम, बाल हनुमान, डोरेमोन आदि कार्टून चित्रण राखि आएको छ । बजार मा रु पचास देखि दुई सय रुपैया वा सो भन्दाबढी मूल्य सम्मको राखि उपलब्ध छन् ।
