नेपालगन्ज : भारतीय प्रहरी हतियारसहित नेपालको बर्दिया जिल्लामा प्रवेश गरेको खुलासा भएको छ।
बिहीबार बेलुका करिब साढे ५ बजेको समयमा भारतीय प्रहरीका दरोगा (उपरीक्षक) अनाधिकृत रुपमा सदरमुकाम गुलरियामा प्रवेश गरेको स्थानीयले बताएका छन् ।
यूपी ५३डीके ७४०६ नम्बरको प्रहरीको गाडीमा आएका उनले पेस्तोल बोकेका थिए । उनी बर्दियाको एक पेट्रोल पम्पमा पुगी गाडीमा पेट्रोल भरेर फर्किएको स्थानीयको भनाइ छ।
सीमामा तैनाथ सशस्त्र प्रहरी र नेपाल प्रहरीको पोस्ट छिचोल्दै नेपालभित्र प्रवेश गर्दा उनलाई जाँचसमेत गरिएको छैन ।
प्रहरी पोसाकमाथि ज्याकेट लगाएका उनी कुन प्रयोजनका लागि आएका हुन् भन्नेबारे प्रहरी प्रशासन अहिलेसम्म बेखबर छ ।
