काठमाडौं– नेकपा माओवादी केन्द्रका नेता वर्षमान फुनले अर्ली इलेक्सनका विषयमा राजनीतिक रुपले सोच्न सकिने बाहेक अन्य हिसाबले सम्भव नहुने बताएका छन्।
दलका शीर्ष नेताहरुबाट नै अर्ली इलेक्सनको विषय आइरहेको छ नि? भन्ने पत्रकारहरुको प्रश्नमा उनले राजनीतिक रुपले सोच्न सकिए पनि त्यो तत्काल सम्भव नहुने बताए।
‘संघीय संसद्को कार्यकाल ५ वर्ष नपुगेर अर्ली इलेक्सन गर्न सकिन्न। पाँच/छ महिनादेखि संसद् चल्न नसक्ने अवस्थामा राजनीतिक रुपले त्यसरी सोच्नु ठिकै हो,’ आइतबार प्रतिनिधि सभा बैठक सकिएपछि संसद् भवन परिसरमा सञ्चारकर्मीलाई प्रतिक्रिया दिँदै उनले भने।
मौसमी र भौगोलिक हिसावले पनि अर्ली इलेक्सन सम्भव नभएको पुनको भनाइ छ। ‘हाम्रो मौसमी र भौगोलिक हिसाबले पनि अहिले नै अर्ली इलेक्सन गर्न सकिने भन्ने तत्काल सोच्न सकिने देखिँदैन,’ पुनले भने।
