राष्ट्रपति रामचन्द्र पौडेल फेरि अस्पताल भर्ना भएका छन्। स्वास्थ्यमा समस्या आएपछि राष्ट्रपति पौडेल त्रिवि शिक्षण अस्पताल महाराजगञ्जमा उपचारार्थ भर्ना भएका हुन्।
अहिले उनको स्वास्थ्य अवस्था सामान्य रहेको अस्पतालले जानकारी दिएको छ। उनलाई ६०१ नं. शय्यामा राखिएको छ।
श्वासप्रश्वासमा समस्या देखिएपछि चिकित्सकको सुझावअनुसार उनलाई अस्पताल भर्ना गरिएको अस्पताल प्रशासनले जनाएको छ। शुरुमा पेटमा र पछि छातीमा समस्या देखिएपछि पौडेल निरन्तर चिकित्सकको निगरानीमा छन्।
यसअघि राष्ट्रपति पौडेल चैत १८ गते उक्त अस्पतालमा उपचारका लागि भर्ना भई चैत २२ गते राष्ट्रपति निवास फर्किएका थिए।
