राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले गत मङ्सिरमा सम्पन्न प्रतिनिधिसभाको निर्वाचनमा साढे १५ लाख रूपैयाँभन्दा बढी खर्च गरेको विवरण निर्वाचन आयोगलाई बुझाएका छन्।
गत मङ्सिर ४ गते सम्पन्न निर्वाचनमा मकवानपुर क्षेत्र १ बाट सूर्य चिह्न लिएर चुनावी प्रतिस्पर्धामा उत्रिएका अध्यक्ष थापाले १५ लाख ३७ हजार ३४० रूपैयाँ खर्च गरेको विवरण निर्वाचन आयोगलाई बुझाएका हुन्।
थापाका निर्वाचन प्रतिनिधि राजाराम बर्तौलाले बुझाएको विवरणअनुसार सवारीसाधनमा २ लाख, सम्पर्क कार्यालय सञ्चालनमा ३ लाख, गोष्ठी, अन्तरक्रिया शीर्षकमा २ लाख, प्रतिनिधि परिचालनमा ४ लाख, प्रचारप्रसार सामग्रीमा १ लाख ७७ हजार ९ सय र प्रचारप्रसारका लागि छापा एवं विद्युतीय माध्यममा २ लाख ५९ हजार ४४० रूपैयाँ खर्च भएको उल्लेख गरिएको छ।
