प्रधानमन्त्री बालेन शाहले बिज्ञान, प्रविधि तथा नवप्रवर्तन मन्त्रीमा प्रतिनिधिसभा सदस्य महावीर पुनलाई राष्ट्रपति समक्ष सिफारिस गरे सँगै म्याग्दीका स्वतन्त्र सांसद महावीर पुन मन्त्री बन्ने भएका छन ।
पुनलाई आजै दिउँसो राष्ट्रपति पौडेलबाट पद तथा गोपनीयताको शपथ गराउने कार्यक्रम तय भएको प्रधानमन्त्री कार्यालय स्रोतले जनाएको छ ।
वर्तमान सरकारले पुनको माग बमोजिम सरकारले विज्ञान, प्रविधि, अनुसन्धान र नवप्रवर्तनका लागि बजेट समेत विनियोजन गरेको छ । बजेट भाषणका क्रममा अर्थमन्त्री डा. स्वर्णिम वाग्लेले यो क्षेत्रमा पूँजीगत खर्चको एक प्रतिशत बजेट विनियोजन गरिएको बताएका थिए ।उक्त मन्त्रालयका लागि पुनले बजेटको अनुपात सहितको माग राख्दै आएका थिए । यसअघिको अन्तरिम सरकारमा पुन शिक्षामन्त्री थिए । उनले आफु संसद् मा एक्लो सांसद भएपनि जनताको बलियो साथ पाएको कारण आफ्नो भनाइ सरकारले सम्बोधन गर्नुपर्ने र आफ्नो भुमिका पक्ष/बिपक्ष नभई निस्पक्ष रहने बताउँदै आएका छन।
